『成也債券再保！敗亦債券再保！』

大家可能會想英雄現時先咁講已經太遲。無錯！如果我用來解釋美國次按爆破的話就當然太遲啦，但如果我係用來衡量美國次按危機可否到尾聲呢，咁應該唔會太遲掛？
英雄之前係『神即係神！』篇中提過畢菲特係美國主要債券再保商叫緊救命時佢走出來自己開一間新的債券再保公司，其實英雄當時已想緊點解佢唔直接係市場買一間？但昨晚係一個電視節目中比孫柏文一語道破，相信個原因係個d主要債券再保商真係好唔掂，買佢地返來隨時加送幾個炸彈比您，條數可能都幾“come”計。
看看美股昨晚表演就知，由早段跌過100點至近尾市倒升約300點的主因係市傳美國New York State Insurance Department與美國銀行界會面，希望能幫個ｄ債券再保商融資，令佢地可穏定及保持評級。如果呢單野成功，英雄估計將大大提高市場信心，當然如果殊仔可以係佢個只懂派錢的USD1,500億方案中考慮向個ｄ債券再保融資商提供政府擔保咁就真係無得頂啦 (好似英國向Northern Rock提供擔保一樣)，如果似咁，英雄個人相信問題已近尾聲，如果唔係...........英雄覺得『the show must go on！』