買入建設銀行

英雄昨天膽粗粗咁係HK$6以下買入左少量建設銀行(0939.HK)，買入的原因唔係因為佢已跌左超過3分1，英雄覺得呢個並非購入的理由，而我真正買入的理由係我個人認為佢已具備投資價值。

以其之第三季業績中看到，建行第三季EPS為RMB0.1，頭三季EPS共為RMB0.25，我假設其第四季之EPS不及第三季，只有RMB0.08，咁即係話我『估』佢07年全年之EPS為RMB0.33，化做港元計約HK$0.3548，以現時HK$6.00計，其07年PE『估』計低於17X。雖然中央今年決心收縮貨幣政策，但大家看看其亦批准今年新增貸款幅度有15%，同時亦開始漸漸放寬國內商業銀行發展保險業及基金業務，因此英雄相信其08年之盈利亦具備一定上升潛力。根據其07年中期報告所示，其中期純利上升47.5%，而EPS上升50%，因此英雄以非常簡單之分析方法，只假設其08年EPS只升30%，不計及人民幣上升動力，即其08年全年EPS『估』為HK$0.46124，咁即係咁英雄自己『估』佢08年預測PE為13X。根據昨天中銀國際對HSBC之新目標價HK$117.5計，亦以HSBC 08年P/E為11.5X計算，因此英雄覺得建行已具備投資價值，話晒應該都無人質疑國內銀行股不具增長潛力，因此吸納作中線投資用途。